దేవరకొండ డివిజన్ డిసెంబర్ 25 త్రినేత్రం న్యూస్. గురువారం మాల మహానాడు ఆధ్వర్యంలో దేవరకొండ పట్టణంలో బస్టాండ్ ఎదురుగా ఉన్న అంబేద్కర్ విగ్రహం వద్ద మనుస్మృతి ప్రతులను మాల మహానాడు నాయకులు తగలబెట్టారు ఈ కార్యక్రమంలో బహుజన మేధావి డాక్టర్ యేకుల రాజారావు, మాల మహానాడు దేవరకొండ నియోజకవర్గం అధ్యక్షులు బోయిని చంద్రమౌళి మాట్లాడుతూ
భారతదేశ సామాజిక చరిత్రను ‘మనుస్మృతి దహనం’ పూర్వం, తర్వాతి కాలంగా విభజించవచ్చు అని 1927 డిసెంబర్ 25న మహారాష్ట్రలోని మహద్ పట్టణంలో డాక్టర్ బి.ఆర్. అంబేద్కర్ వేలాది మంది అనుచరుల తో మనుస్మృతిని దహనం చేశారు అని ఇది కేవలం ఒక పుస్తకాన్ని తగులబెట్టిన ఘటన కాదు; వేల ఏళ్లుగా అణచివేతకు గురవుతున్న వర్గాల ఆత్మగౌరవ ప్రతీక. మానవ హక్కుల కోసం సాగిన ఒక చారిత్రాత్మక ధిక్కార స్వరం.
చవదార్ చెరువు పోరాటం 1927 మార్చిలో మహద్లోని ‘చవదార్’ చెరువు నీటిని అంటరానివారు తాగే హక్కు కోసం అంబేద్కర్ సత్యాగ్రహం చేశారు. మున్సిపాలిటీ తీర్మానం ఉన్నప్పటికీ, అంటరానివారు నీటిని ముట్టుకున్నారని అగ్రవర్ణ ఉన్మాదులు వారిపై దాడి చేసి, ఆ చెరువును 108 గండాల పంచగవ్యంతో “శుద్ధి” చేశారు. ఈ చర్య అంబేద్కర్ను తీవ్రంగా ఆలోచింపజేసింది. అని మనుషులు తాగే నీటిని జంతువులు తాగొచ్చు కానీ, తోటి మనుషులు తాగితే అపవిత్రం అవుతుందనే అమానవీయ ఆలోచన వెనుక ఉన్న మూలాలను ఆయన అన్వేషించారు. ఆ వివక్షకు మూలమే ‘మనుస్మృతి’ అని అంబేద్కర్ గుర్తించారని అన్నారు
అంబేద్కర్ ఈ నిర్ణయాన్ని కేవలం ఆవేశంతో తీసుకోలేదు. మనుస్మృతిలోని అమానవీయ సూత్రాలు సమాజ పురోగతికి ఎలా అడ్డుపడుతున్నాయో ఆయన సోదాహరణంగా వివరించారని అన్నారు. జన్మత అసమానత మనిషి హోదాను ప్రతిభను బట్టి కాకుండా, పుట్టుకను బట్టి,కుల వ్యవస్థ నిర్ణయించే సూత్రాన్ని మనుస్మృతి ప్రబోధించింది.
స్త్రీల అణచివేత: “న స్త్రీ స్వాతంత్ర్యమర్హతి” (స్త్రీ స్వాతంత్ర్యానికి అర్హురాలు కాదు అంటూ మహిళలను పురుషుడి అదుపులోనే ఉండాలని శాసించింది. వారికి ఆస్తి, విద్యా హక్కులను నిరాకరించింది. అని అదేవిధంగా
శూద్రులపై ఆంక్షలు సమాజంలో అత్యధిక సంఖ్యాకులైన శూద్రులు విద్యకు, సంపదకు దూరంగా ఉండాలని, వారు కేవలం సేవ చేయడానికే పరిమితం కావాలని ఆంక్షలు విధించింది
- అన్యాయమైన చట్టాలు: ఒకే నేరానికి కులాన్ని బట్టి శిక్షలు మారే విచక్షణా పూరిత న్యాయాన్ని మనుస్మృతి సమర్ధించినందువలన
డిసెంబర్ 25, 1927
మహద్లో జరిగిన రెండవ సత్యాగ్రహ సదస్సులో భాగంగా, డిసెంబర్ 25 రాత్రి 9 గంటలకు ఒక వేదికపై మనుస్మృతిని ఉంచారు.
•ఐక్యతకు నిదర్శనం ఈ కార్యక్రమానికి అంబేద్కర్తో పాటు ఆయన బ్రాహ్మణ మిత్రుడు గంగాధర్ నీలకంఠ సహస్రబుద్ధే మద్దతు ఇచ్చారు. ఆయన చేతుల మీదుగానే దహన కార్యక్రమం చేశారన్నారు ఇది ఒక కులంపై పోరాటం కాదు, ‘విలువలపై పోరాటం’ అని నిరూపించడానికి ఇదొక గొప్ప ఉదాహరణ అని అన్నారు
అంబేద్కర్ సందేశం మనం ఇక్కడ గుమికూడింది కేవలం నీటి కోసం కాదు, మనుషులుగా మన ఉనికిని చాటుకోవడానికి” అంబేద్కర్ గంభీర వాతావరణంలో ప్రకటించారు. అని అన్నారు
ఫ్రెంచ్ విప్లవంతో పోలిక సామాజిక స్వాతంత్ర్య దినోత్సవం
అంబేద్కర్ ఈ ఘటనను 1789 నాటి ఫ్రెంచ్ విప్లవంతో పోల్చారు. ఫ్రెంచ్ విప్లవం యూరప్లో రాచరికాన్ని, మతపరమైన అణచివేతను అంతం చేసి ఎలాగైతే ‘సమానత్వం, స్వేచ్ఛ, సౌభ్రాతృత్వం’ తెచ్చిందో, మనుస్మృతి దహనం కూడా భారతదేశంలో కుల వ్యవస్థ అంతానికి పునాది కావాలని ఆయన ఆకాంక్షించారు. అందుకే ఈ రోజును ఆయన సామాజిక స్వాతంత్ర్య అని అంబేద్కర్ గుర్తు చేశారన్నారు
ఆధునిక భారతదేశంపై ప్రభావం
మనుస్మృతి దహనం అనేది కేవలం ఒక నిరసన కాదు, అది భారత రాజ్యాంగ రచనకు పునాది రాయి. అని
మనుస్మృతి స్థానంలో అంబేద్కర్ భారత రాజ్యాంగాన్ని ప్రవేశపెట్టారు. మనువు నిరాకరించిన ఓటు హక్కు, విద్యా హక్కు, ఆస్తి హక్కులను రాజ్యాంగం ద్వారా కుల, మత, లింగ భేదం లేకుండా అందరికీ హక్కులు కల్పించిందన్నారు
- మహిళా సాధికారత కోసం హిందూ కోడ్ బిల్లు ద్వారా స్త్రీలకు ఆస్తిలో సమాన వాటా, విడాకులు తీసుకునే హక్కు కల్పించడంలో మనుస్మృతిలోని పితృస్వామ్య భావజాలాన్ని తొలగించాలనే అంబేద్కరిజం ప్రతిబింబిస్తుంది. గుర్తు చేశారు
నేటి తరానికి సందేశం
నేటి ఆధునిక సమాజంలో కూడా కుల వివక్ష, స్త్రీలపై దాడులు పూర్తిగా రూపుమాసిపోలేదు. అని అన్నారు మనుస్మృతి దహనం అనేది కేవలం ఒక చారిత్రక ఘట్టం కాదు, అది ఒక నిరంతర ప్రక్రియ. అమానవీయమైన ఆలోచనలను, వివక్ష చూపే భావజాలాలను మనుషుల మనసుల నుండి దహనం చేసినప్పుడే అంబేద్కర్ కలలుగన్న సమసమాజం సాధ్యమవుతుంది.
డాక్టర్ అంబేద్కర్ మనుస్మృతిని దహనం చేయడం ద్వారా భారతదేశానికి ఒక నూతన విజ్ఞాన వెలుగును అందించిందని. అది ఒక గ్రంథంపై విజయం కాదు, చీకటి యుగంపై ఆధునిక మానవ విలువల సాధించిన విజయం. ప్రతి ఏటా డిసెంబర్ 25ను ‘మనుస్మృతి దహన దినోత్సవం’గా జరుపుకోవడం అంటే, రాజ్యాంగం అందించిన స్వేచ్ఛను, సమానత్వాన్ని గౌరవించుకోవడమే అని అన్నారు ఈ కార్యక్రమంలో సల్వాది పెద్దులు, యేకుల అంబేద్కర్, గోరటి అంజి కాల గోరటి అంజి కాలే వెంకటయ్య తదితరులు పాల్గొన్నారు
https://youtube.com/@trinethramnewstelugu?si=ye7yjfC_JIZpSdox
Trinethram news
Like and Subscribe
