రాష్ట్రంలో పెట్టుబడులు, పరిశ్రమల ఏర్పాటుపై కీలక చర్చలు
షిప్ బిల్డింగ్, ఎలక్ట్రానిక్స్ రంగాలపై ఆసక్తి వ్యక్తం చేసిన భారత్ ఫోర్జ్
గండికోటలో రివర్ క్రూయిజ్ ప్రాజెక్టు చేపట్టేందుకు సుముఖత
అరకు కాఫీ గ్లోబల్ బ్రాండ్గా మారిందన్న సీఎం చంద్రబాబు
Trinethram News : ఆంధ్రప్రదేశ్లో పారిశ్రామిక పెట్టుబడులకు ఉన్న అవకాశాలపై ప్రముఖ సంస్థ భారత్ ఫోర్జ్ ఆసక్తి కనబరిచింది. ఆ సంస్థ వైస్ చైర్మన్ అమిత్ కల్యాణి నిన్న విశాఖపట్నంలో ముఖ్యమంత్రి నారా చంద్రబాబు నాయుడుతో సమావేశమయ్యారు. రాష్ట్రంలో పరిశ్రమల ఏర్పాటు, పెట్టుబడుల అవకాశాలపై వీరి మధ్య కీలక చర్చలు జరిగాయి.
సమావేశం సందర్భంగా, ఏపీలో షిప్ బిల్డింగ్ (నౌకా నిర్మాణం), ఎలక్ట్రానిక్స్ రంగంలో అత్యాధునిక ఉత్పత్తుల తయారీ యూనిట్లను నెలకొల్పేందుకు భారత్ ఫోర్జ్ సంస్థ ఆసక్తిగా ఉన్నట్లు అమిత్ కల్యాణి ముఖ్యమంత్రికి తెలిపారు. వీటితో పాటు పర్యాటక రంగంలోనూ పెట్టుబడులు పెట్టేందుకు సుముఖత వ్యక్తం చేశారు. ముఖ్యంగా, చారిత్రక ప్రాంతమైన గండికోట వద్ద రివర్ క్రూయిజ్ ప్రాజెక్టును చేపట్టాలన్న ఆలోచనను ఆయన పంచుకున్నారు.
ఈ సందర్భంగా ముఖ్యమంత్రి చంద్రబాబు రాష్ట్రంలో పారిశ్రామిక, పర్యాటక రంగాల్లో ఉన్న విస్తృత అవకాశాలను అమిత్ కల్యాణికి వివరించారు. ముఖ్యంగా షిప్ బిల్డింగ్ రంగంలో ఏపీకి ఉన్న అనుకూలతలను, తీరప్రాంత ప్రాధాన్యతను సద్వినియోగం చేసుకోవాలని సూచించారు. పర్యాటక రంగానికి ఊతమిచ్చేలా గండికోటతో పాటు పాపికొండలు, అరకులోయ వంటి ప్రాంతాల్లో ప్రాజెక్టులు చేపట్టడానికి అపారమైన అవకాశాలు ఉన్నాయని తెలిపారు.
అంతేకాకుండా, అరకు కాఫీ ఇప్పటికే ప్రపంచవ్యాప్తంగా మంచి గుర్తింపు తెచ్చుకుని గ్లోబల్ బ్రాండ్గా నిలిచిందని ముఖ్యమంత్రి చంద్రబాబు భారత్ ఫోర్జ్ వైస్ చైర్మన్కు వివరించారు. ఈ సమావేశం రాష్ట్రానికి కొత్త పెట్టుబడులను ఆకర్షించే దిశగా సానుకూల వాతావరణాన్ని కల్పించింది.
https://youtube.com/@trinethramnewstelugu?si=ye7yjfC_JIZpSdox
Trinethram news
Like and Subscribe
