బీజేపీ సీనియర్ నాయకులు కంచి మహేందర్ ఆధ్వర్యంలో మర్యాదపూర్వక భేటీ
Warm Birthday Wishes : కూకట్ పల్లి జూన్ 13 (త్రినేత్రం న్యూస్) : తెలంగాణ రాజకీయాల్లో విశిష్ట స్థానాన్ని సంపాదించుకున్న సీనియర్ ప్రజానేత, మాజీ గవర్నర్ బండారు దత్తాత్రేయ 79వ జన్మదినాన్ని పురస్కరించుకుని బీజేపీ నాయకులు ఘనంగా శుభాకాంక్షలు తెలిపారు. బీజేపీ సీనియర్ నాయకులు కంచి మహేందర్ ఆధ్వర్యంలో నాయకుల బృందం దత్తాత్రేయ నివాసానికి వెళ్లి ఆయనను మర్యాద పూర్వకంగా కలిసి పుష్పగుచ్ఛాలు అందజేసి జన్మదిన శుభాకాంక్షలు తెలియజేశారు. ఈ సందర్భంగా దత్తాత్రేయ దేశ రాజకీయాల్లో, తెలంగాణ అభివృద్ధిలో అందించిన సేవలను నాయకులు కొనియాడారు.
ప్రజలతో నిరంతరం మమేకమై, సుదీర్ఘ రాజకీయ ప్రస్థానంలో ఆదర్శవంతమైన నాయకుడిగా నిలిచిన దత్తాత్రేయ మరెన్నో సంవత్సరాలు ఆరోగ్యంగా, ఆనందంగా ఉండాలని ఆకాంక్షించారు. కార్యక్రమంలో బీజేపీ సీనియర్ నాయకులు సురేష్, శివ, వినీత్, లక్ష్మణ్, అశోక్ చారి, సంతు తదితరులు పాల్గొని దత్తాత్రేయకు జన్మదిన శుభాకాంక్షలు తెలియజేశారు. ఈ సందర్భంగా నాయకులు ఆయనతో కొద్దిసేపు ముచ్చటించి ఆశీర్వాదాలు పొందారు. జన్మదిన వేడుకలు ఆప్యాయతపూర్వక వాతావరణంలో జరగగా, దత్తాత్రేయ సేవలను గుర్తుచేసుకుంటూ నాయకులు ఆయనకు శుభాకాంక్షలు తెలియజేశారు.
https://youtube.com/@trinethramnewstelugu?si=ye7yjfC_JIZpSdox
Trinethram news
Like and Subscribe
