Tribute Paid Netaji Subhash : కూకట్పల్లి, ఆగస్టు 18 (త్రినేత్రం న్యూస్) :- స్వాతంత్ర్య సమరయోధుడు, ఆజాద్ హింద్ ఫౌజ్ వ్యవస్థాపకుడు నేతాజీ సుభాష్ చంద్రబోస్ వర్ధంతి సందర్భంగా కూకట్పల్లి ఉమ్మడి ప్రెస్ క్లబ్ అధ్యక్షులు ఎర్ర యాకన్న ఘన నివాళులు అర్పించారు. ఈ సందర్భంగా నేతాజీ చిత్రపటానికి పూలమాల వేసి ఆయన సేవలను స్మరించుకున్నారు. దేశ స్వాతంత్ర్యం కోసం నేతాజీ చేసిన పోరాటం, త్యాగం, ధైర్యసాహసాలు భారత చరిత్రలో చిరస్థాయిగా నిలిచిపోయాయని ఎర్ర యాకన్న అన్నారు.
భారతదేశానికి సంపూర్ణ స్వాతంత్ర్యం సాధించాలనే లక్ష్యంతో నేతాజీ సుభాష్ చంద్రబోస్ ప్రజల్లో దేశభక్తి భావాలను రగిలించారని పేర్కొన్నారు. ఆజాద్ హింద్ ఫౌజ్ను ఏర్పాటు చేసి బ్రిటిష్ పాలనకు వ్యతిరేకంగా పోరాటాన్ని మరింత బలోపేతం చేశారని గుర్తుచేశారు. “దేశం కోసం త్యాగం చేయడానికి సిద్ధంగా ఉండాలి” అనే స్ఫూర్తిని ఆయన జీవితం మనకు అందించిందన్నారు.
నేతాజీ ఆశయాలు, దేశభక్తి, క్రమశిక్షణ, ధైర్యం నేటి యువతకు ఆదర్శంగా నిలుస్తాయని తెలిపారు. దేశ అభివృద్ధి, సమాజ శ్రేయస్సు కోసం ప్రతి ఒక్కరూ బాధ్యతగా పనిచేయాలని పిలుపునిచ్చారు. స్వాతంత్ర్య సమరయోధుల త్యాగాలను భావితరాలకు తెలియజేయాల్సిన బాధ్యత ప్రతి ఒక్కరిపై ఉందన్నారు. నేతాజీ సుభాష్ చంద్రబోస్ దేశానికి చేసిన సేవలను భారత ప్రజలు ఎప్పటికీ స్మరించుకుంటారని ఎర్ర యాకన్న పేర్కొన్నారు.
https://youtube.com/@trinethramnewstelugu?si=ye7yjfC_JIZpSdox
Trinethram news
Like and Subscribe
