అల్లూరిజిల్లా(అనంతగిరి) జూలై 3 త్రినేత్రం న్యూస్ : అల్లూరి సీతారామరాజు జిల్లా అనంతగిరి మండలంలోని పెద్దకోట ప్రాంతంలో ఏర్పాటు చేయనున్న హైడ్రో పవర్ ప్రాజెక్టుకు సంబంధించి రాష్ట్ర ప్రభుత్వం జారీ చేసిన జీవో నంబరు 51ను వెంటనే రద్దు చేయాలని సిపిఎం పార్టీ నేతలు, గిరిజన సంఘాల ప్రతినిధులు, స్థానిక ప్రజలు తీవ్రంగా డిమాండ్ చేశారు. వర్షాన్ని లెక్కచేయకుండా వందలాదిమంది గిరిజనులు బుధవారం పెద్దకోట ప్రాంతంలో భారీగా సమావేశమై ఆందోళన చేపట్టారు. అనంతరం జీవో 51 ప్రతిని దగ్ధం చేసి తమ నిరసన వ్యక్తం చేశారు.
ఈ కార్యక్రమంలో ఆనంతగిరి ZPTC దీసరి గంగరాజు, సిపిఎం జిల్లా నేతలు డి వెంకన్న, ఎస్ నాగులు పాల్గొని మాట్లాడుతూ – “రాష్ట్ర కేబినెట్ అనుమతి పొంది ఈ జీవోను మంజూరు చేయడం శాసనబద్ధ ప్రక్రియలకు విరుద్ధంగా ఉంది. ఏజెన్సీ ప్రాంతాలలో నివసించే గిరిజనుల అభిప్రాయాలు, హక్కులను పరిగణనలోకి తీసుకోకుండానే తీసుకున్న ఈ నిర్ణయం ప్రజా వ్యతిరేకమైంది” అని తెలిపారు.
పెదకోట ప్రాంతంలో ఎన్ఆర్ఇడీసీఏపీ ద్వారా 800 మెగావాట్ల సామర్థ్యాన్ని 1800 మెగావాట్లకు పెంచినదంపై వారు ఆగ్రహం వ్యక్తం చేశారు. రైవర్లలో నిర్మించబోయే లిఫ్టెడ్ పمپ్డ్ స్టోరేజ్ ప్రాజెక్టులు స్థానికులకు తీవ్ర ప్రభావం చూపుతాయన్నారు. రైవాడ, చింతలపూడి, మారిక మధ్య నిర్మాణాలు విశాఖ త్రాగునీటి అవసరాలకు, ఆయకట్టు రైతులకు ముప్పుగా మారతాయని పేర్కొన్నారు.
చట్టాలను పక్కనబెట్టి ప్రాజెక్టులకు అనుమతులు గ్రామసభ, పీసా చట్టం, అటవీ హక్కుల చట్టాలను విస్మరించడం దుర్మార్గమని గిరిజన సంఘాల నేతలు మండిపడ్డారు. ఎఫ్.ఆర్.ఏ., పీసా చట్టాల ప్రకారం, షెడ్యూల్డ్ ప్రాంతాలలో ప్రైవేట్ సంస్థలు ప్రాజెక్టులు చేపట్టడం నిషిద్ధమని, సుప్రీం కోర్టు ‘సమతా’ తీర్పు ప్రకారం కూడా ఇది చట్టవ్యతిరేకమని గుర్తుచేశారు.
ప్రభుత్వం గిరిజన సలహా మండలి (TAC) ని నియమించకపోవడం, భూసేకరణ వివరాలు వెల్లడి చేయకపోవడం ప్రజలతో జరుగుతున్న అవమానానికి నిదర్శనమని అన్నారు. స్థానిక గిరిజన తెగలు నివాసభూముల నుంచి బలవంతంగా తొలగించేందుకు ప్రయత్నించటం నిరంకుశ చర్య అని మండిపడ్డారు.
ఈ ఆందోళనలో పెద్ద ఎత్తున గిరిజనులు పాల్గొన్నారు. ఎంపిటిసి సభ్యురాలు సిరగం శ్రావణి, గిరిజన నేతలు సోముల దేముడు, గోల్లూరి ఆనంద్, జన్ని ఈశ్వరరావు, నరాజీ సురేష్ బాబు, కె.భాస్కర్ తదితరులు పాల్గొన్నారు. తక్షణమే జీవో 51ను రద్దు చేయకపోతే పెద్ద ఎత్తున ఉద్యమం చేయాల్సి వస్తుందని హెచ్చరించారు.
https://play.google.com/store/apps/details?id=com.trinethramnews.app
Trinethram news
Download App
