రేపటి నుంచే సఫారీలతో టీ20 సిరీస్.. షెడ్యూల్, లైవ్ స్ట్రీమింగ్ వివరాలు..!!

Trinethram News : స్వదేశంలో న్యూజిలాండ్‌తో టెస్ట్ సిరీస్ ఓటమి అనంతరం భారత జట్టు.. మరో సమరానికి సిద్ధమవుతోంది. శుక్రవారం(నవంబర్ 08) నుంచి భారత్,- దక్షిణాఫ్రికా జట్ల మధ్య నాలుగు మ్యాచ్‌ల టీ20 సిరీస్ ప్రారంభం కానుంది.

తొలి టీ20 కింగ్స్‌మీడ్( డర్బన్) వేదికగా భారత కాలమానం ప్రకారం, శుక్రవారం రాత్రి 8:30 గంటలకు షురూ కానుంది.

హెడ్ to హెడ్ రికార్డ్స్

ఇప్పటివరకూ ఈ ఇరు జట్లు 27 సార్లు టీ20ల్లో తలపడగా.. భారత్ 15, దక్షిణాఫ్రికా 11సార్లు విజయం సాధించాయి. ఒక మ్యాచ్‌లో ఫలితం తేలలేదు. టీ2 ప్రపంచ విజయానంతరం భారత జట్టు తలపడుతోన్న తొలి టీ20 సిరీస్ ఇది. ఎలాగైనా ఈ సిరీస్ చేజిక్కించుకోవాలని భారత కుర్రాళ్లు చూస్తున్నారు. అలా సిరీస్ వశం కావాలంటే చెమటోడ్చాల్సిందే. మరోవైపు, సొంతగడ్డపై ఆడుతుండటం సఫారీలకు కలిసొచ్చే అంశం.

భారత జట్టుకు సూర్యకుమార్ యాదవ్ సారథ్యం వహిస్తుండగా.. సఫారీ సేనకు ఐడెన్ మర్క్‌రమ్ నాయకత్వం వహిస్తున్నాడు.

షెడ్యూల్:

తొలి టీ20 (నవంబర్ 08): కింగ్స్‌మీడ్, డర్బన్
రెండో టీ20 (నవంబర్ 10): సెయింట్ జార్జ్ పార్క్, గెబెర్హా
మూడో టీ20 (నవంబర్ 13): సూపర్‌స్పోర్ట్ పార్క్, సెంచూరియన్
నాలుగో టీ20 (నవంబర్ 15): వాండరర్స్ స్టేడియం, జోహన్నెస్‌బర్గ్
లైవ్ స్ట్రీమింగ్ వివరాలు:

మన దేశంలో భారత్- దక్షిణాఫ్రికా టీ20 సిరీస్.. స్పోర్ట్స్ 18-1, స్పోర్ట్స్ 18-2 ఛానెళ్లలో ప్రత్యక్ష ప్రసారం చేయబడతాయి. డిజిటల్‌గా అభిమానులు జియో సినిమా(JioCinema) యాప్‌లో లైవ్ స్ట్రీమింగ్‌ ఉచితంగా ఆస్వాదించవచ్చు.

ఇరు జట్ల స్క్వాడ్:

భారత్: సూర్యకుమార్ యాదవ్ (కెప్టెన్), అభిషేక్ శర్మ, సంజు శాంసన్ (వికెట్ కీపర్), రింకు సింగ్, తిలక్ వర్మ, జితేష్ శర్మ (వికెట్ కీపర్), హార్దిక్ పాండ్యా, అక్షర్ పటేల్, రమణదీప్ సింగ్, వరుణ్ చక్రవర్తి, రవి బిష్ణోయ్, అర్ష్‌దీప్ సింగ్, విజయ్‌కుమార్ వైషక్, అవేష్ ఖాన్, యశ్ దయాల్.

దక్షిణాఫ్రికా:ఐడెన్ మార్క్‌రామ్ (కెప్టెన్), రీజా హెండ్రిక్స్, ర్యాన్ రికెల్టన్, ట్రిస్టన్ స్టబ్స్, హెన్రిచ్ క్లాసెన్, ఒట్నీల్ బార్ట్‌మన్, గెరాల్డ్ కోయెట్జీ, డోనావన్ ఫెరీరా, మార్కో జాన్సెన్, పాట్రిక్ క్రూగర్, కేశవ్ మహారాజ్, డేవిడ్ మిల్లర్, మిహ్లాలీ మ్పోంగ్వానా, న్కాబా పీటర్, ఆండిలే సిమిలానే.

https://play.google.com/store/apps/details?id=com.trinethramnews.app

Trinethram news
Download App