Vote for Pot : అరకు లోయ నవంబరు 4, (త్రినేత్రం న్యూస్): అల్లూరి సీతారామరాజు జిల్లా స్థానిక ఎన్నికల ప్రచారం మంగళవారంతో ముగియడంతో గ్రామాల్లో ఎన్నికల సందడి నెలకొంది. అరకువ్యాలీ మండలం పెదలబుడు సెగ్మెంట్‌-2 పరిధిలోని శరభగూడ గ్రామానికి చెందిన స్వతంత్ర ఎంపీటీసీ అభ్యర్థి జన్ని కమల కుండ గుర్తుతో ఎన్నికల బరిలో నిలిచి చివరి రోజు విస్తృతంగా ప్రచారం నిర్వహించారు.
ప్రచారంలో భాగంగా గ్రామాల్లోని వీధివీధికి వెళ్లి ఇంటింటా ఓటర్లను కలుస్తూ తనకు మద్దతు ఇవ్వాలని అభ్యర్థించారు. ఓటర్లకు బ్యాలెట్‌ పత్రాన్ని చూపిస్తూ కుండ గుర్తును గుర్తుపెట్టి ఓటు వేయాలని కోరారు. తనకు ఒక్క అవకాశం కల్పిస్తే గ్రామాల అభివృద్ధికి, ప్రజా సమస్యల పరిష్కారానికి నిరంతరం కృషి చేస్తానని హామీ ఇచ్చారు.
ఈ సందర్భంగా జన్ని కమల మాట్లాడుతూ.. ప్రజలకు ఎల్లప్పుడూ అందుబాటులో ఉంటూ వారి సమస్యలను తెలుసుకుని పరిష్కారం కోసం కృషి చేస్తానన్నారు. గ్రామాల్లో నెలకొన్న మౌలిక సదుపాయాల సమస్యలను గుర్తించి సంబంధిత అధికారుల దృష్టికి తీసుకెళ్తానని తెలిపారు. గ్రామ అభివృద్ధికి ప్రాధాన్యతనిస్తూ ప్రజలకు సేవ చేయడమే తన ప్రధాన లక్ష్యమని పేర్కొన్నారు.
“మీకు ఏ సమస్య వచ్చినా మీకు అందుబాటులో ఉంటాను. మీ కష్టసుఖాల్లో భాగస్వామిగా ఉంటూ గ్రామాల అభివృద్ధికి కృషి చేస్తాను. ఒక్క అవకాశం ఇచ్చి ఆదరించండి. నా పనితీరుతో మీ నమ్మకాన్ని నిలబెట్టుకుంటాను” అంటూ ఓటర్లను అభ్యర్థించారు.
చివరి రోజు ప్రచారంలో జన్ని కమల గ్రామస్తులతో మమేకమై వారి సమస్యలను తెలుసుకుంటూ కుండ గుర్తును ప్రజల్లోకి తీసుకెళ్లారు. స్వతంత్ర అభ్యర్థిగా ఆమె చేపట్టిన ఇంటింటి ప్రచారంతో పెదలబుడు సెగ్మెంట్‌-2లో ఎన్నికల సందడి నెలకొంది.
https://youtube.com/@trinethramnewstelugu?si=ye7yjfC_JIZpSdox
Trinethram news
Like and Subscribe
