నవంబర్ 3 ఉదయం నెల్లూరు–నర్సాపురం మధ్య తీరం దాటే అవకాశం.. గంటకు 110 కి.మీ. వేగంతో గాలులు..!!
Severe Cyclonic Storm : త్రినేత్రం న్యూస్ : విశాఖపట్నం: బంగాళాఖాతంలో ఏర్పడిన వాయుగుండం వేగంగా బలపడుతూ ఆంధ్రప్రదేశ్‌ తీరం వైపు కదులుతోంది. అక్టోబర్ 31 సాయంత్రం 5:30 గంటల సమయానికి ఆగ్నేయ బంగాళాఖాతంలో కేంద్రీకృతమైన ఈ వ్యవస్థ, రానున్న రోజుల్లో తీవ్ర తుఫానుగా మారే అవకాశం ఉందని భారత వాతావరణ శాఖ (IMD) తాజా బులెటిన్‌లో వెల్లడించింది.
తీవ్ర తుఫానుగా బలపడే అవకాశం
వాయుగుండం నవంబర్ 1 నాటికి తుఫానుగా, నవంబర్ 2 నాటికి పశ్చిమ మధ్య బంగాళాఖాతంలో తీవ్ర తుఫానుగా బలపడే అవకాశం ఉందని IMD అంచనా వేసింది.
నెల్లూరు–నర్సాపురం మధ్య తీరం దాటే అవకాశం
నవంబర్ 3 తెల్లవారుజామున దక్షిణ ఆంధ్రప్రదేశ్‌ తీరానికి చేరుకుని, అదే రోజు ఉదయం నెల్లూరు–నర్సాపురం మధ్య తీవ్ర తుఫానుగా తీరం దాటే అవకాశం ఉందని వాతావరణ శాఖ తెలిపింది.
గంటకు 110 కి.మీ. వేగంతో గాలులు
తుఫాను తీరం దాటే సమయంలో గంటకు 100 నుంచి 110 కిలోమీటర్ల వేగంతో గాలులు వీచే అవకాశం ఉందని, అప్పుడప్పుడు గాలుల వేగం 120 కిలోమీటర్ల వరకు చేరవచ్చని IMD హెచ్చరించింది.
తాజా అంచనాల నేపథ్యంలో దక్షిణ కోస్తా ఆంధ్రప్రదేశ్‌ ప్రజలు అప్రమత్తంగా ఉండాల్సిన అవసరం ఉంది. రైతులు, మత్స్యకారులు, తీర ప్రాంత ప్రజలు అధికారుల సూచనలు పాటిస్తూ వాతావరణ శాఖ విడుదల చేసే తదుపరి బులెటిన్లను గమనించాలని సూచిస్తున్నారు.
తుఫాను కదలిక, తీవ్రతలో మార్పులు ఉండే అవకాశం ఉన్నందున తాజా అధికారిక హెచ్చరికలను అనుసరించడం కీలకం.
https://youtube.com/@trinethramnewstelugu?si=ye7yjfC_JIZpSdox
Trinethram news
Like and Subscribe
