Please Arrange Bus Service : గుంటూరు జిల్లా : త్రినేత్రం న్యూస్ : సెప్టెంబర్ 26 ;తాడేపల్లి మండలం కొలనుకొండ గ్రామంలో ఉన్న విలేజ్ చైల్డ్ ప్రొటెక్షన్ కమిటి మీటింగ్ ఏర్పాటు చేశారు.గుడ్ షెపర్డ్ కాన్వెంట్ సిస్టర్స్ స్వచ్ఛంద సంస్థవారి చైల్డ్ ప్రొటెక్షన్ ప్రాజెక్ట్ ఆధ్వర్యంలో ఏర్పాటు చేసిన ఈ కార్యక్రమాన్ని ఉద్దేశించి అత్తోట పోతురాజు మాట్లాడుతూ కొలనుకొండ,వడ్డేశ్వరం గ్రామాల నుండి నిత్యం చాలా మంది జీవనోపాధి కొరకు, పిల్లలు ఇంటర్, డిగ్రీ , ఇంజనీరింగ్, లాంటి చదువుల కోసం విజయవాడ, మంగళగిరి, గుంటూరు తదితర పట్టణాలకు వెళ్తుంటారు అని అన్నారు.
అయితే బైపాస్ రోడ్డు వద్ద దిగితే గ్రామంలోకి వెళ్ళటానికి చాలా ఇబ్బందిగా ఉంటుందని ఉదయం 2 ట్రిప్పులు, సాయంత్రం 2ట్రిప్పులు కొలనుకొండ, వడ్డేశ్వరం, ప్రక్కన ఉన్న ఇప్పటం గ్రామాలు కలుపుతూ బస్సు సౌకర్యం కల్పించాలని కోరారు. దాని వల్ల ప్రజలకు ఎంతో ఉపయోగకరంగా ఉంటుందని ఆర్ . పిచ్చయ్య మంగళగిరి డిపో మేనేజర్ కి వినతి పత్రం అందించారు..47 బస్సులు కొలనుకొండ, వడ్డేశ్వరం, మీదుగా వెళ్ళే అవకాశం ఉంటుందేమో విజయవాడ డిపో 1 మేనేజర్ తో ఒకసారి మాట్లాడతాను అని హామీ ఇచ్చారు.
ఈ కార్యక్రమంలో, గుడ్ షెఫర్డ్ సంస్థ సిబ్బంది అత్తోట పోతురాజు ఆ గ్రామ చైల్డ్ ప్రొటెక్షన్ కమిటి సభ్యులు నెమలకంటి విజయనిర్మల,గుంపా మరియమ్మ,శిఖా తెరోజిమ్మ,తురక ఎలియ గ్రామపెద్దలు, తదితరులు పాల్గొన్నారు.
మీ మ్యూజిక్ మరియు గేమింగ్ ఎక్స్పీరియన్స్ను నెక్స్ట్ లెవెల్కి తీసుకెళ్లే పవర్ఫుల్ బడ్జెట్ ఇయర్బడ్స్!
