Vivek Venkataswamy’s condolences to the families of the deceased

గోదావరిఖని త్రినేత్రం న్యూస్ ప్రతినిధి

గోదావరిఖనిలో ఇటీవల మరణించిన పలువురి కుటుంబాలను చెన్నూర్​ ఎమ్మెల్యే వివేక్​ వెంకటస్వామి గురువారం పరామర్శించారు.

స్థానిక హనుమాన్​ నగర్​లో ఆర్ధిక ఇబ్బందులతో ఆత్మహత్య చేసుకున్న సీనియర్​ జర్నలిస్ట్​ నాయిని మధునయ్య నివాసానికి వెళ్ళి ఆయన చిత్రపటం వద్ద పూలు సమర్పించి ఘనంగా నివాళులర్పించారు. మధునయ్య కుటుంబ సభ్యులను పరామర్శించి ఓదార్చారు. మధునయ్యతో కేంద్ర మాజీ మంత్రి కాకా వెంకటస్వామి, తనతో ఉన్న అనుబంధాన్ని వివేక్​ గుర్తు చేసుకున్నారు.

నిక్కచ్చిగా వార్తలు రాస్తూ ప్రజలను చైతన్యవంతులను చేయడంలో మధునయ్య ముందున్నాడని, ఆయన మరణం బాధాకరమన్నారు. అలాగే స్థానిక సూర్యనగర్​లో అనారోగ్యంతో మృతి చెందిన కార్మిక నేత కెంగెర్ల మల్లయ్య తల్లి నర్సమ్మ చిత్రపటం వద్ద పూలు సమర్పించి నివాళులర్పించారు.

ఈ సందర్భంగా కుటుంబ సభ్యులను పరామర్శించారు. వివేక్​ వెంకటస్వామి వెంట లీడర్లు పి.మల్లికార్జున్​, ఎం.రవికుమార్​, గడ్డం మధు, మగ్గిడి దీపక్​, మల్లేష్​ యాదవ్​, తిప్పారపు మధు, కోరం నరేందర్​ రెడ్డి, గుమ్మడి సంపత్​, తదితరులున్నారు

https://play.google.com/store/apps/details?id=com.trinethramnews.app

Trinethram news
Download App