అంబేద్కర్ పై అనుచిత వ్యాఖ్యలు కేంద్ర హోం మంత్రి అమిత్ షా ను బర్తరఫ్ చేయాలి

అంబేద్కర్ పై అనుచిత వ్యాఖ్యలు కేంద్ర హోం మంత్రి అమిత్ షా ను బర్తరఫ్ చేయాలి

వికారాబాద్ జిల్లా ప్రతినిధి త్రినేత్రం న్యూస్
ప్రజా సంఘాల డిమాండ్
రాజ్యాంగ నిర్మా త అంబేద్కర్ పై కేంద్ర హోంమంత్రి అమిత్ షా చేసిన అవమానకరమైన వ్యాఖ్యలపై ఆయన పార్లమెంట్ సభ్యత్వాన్ని రద్దు చేయాలని వ్యవసాయ కార్మిక సంఘం,సిఐటియు, జివీస్ ప్రజాసంఘాలు డిమాండ్ చేస్తూ పరిగి పట్టణంలో డాక్టర్ బి.ఆర్ అంబేద్కర్ విగ్రహం ముందు నిరసన వ్యక్తం చేయడం జరిగింది.ఈ సందర్భంగా వ్యవసాయ కార్మిక సంఘం జిల్లా ప్రధాన కార్యదర్శి ఎం.వెంకటయ్య, సిఐటియు జిల్లా ఉపాధ్యక్షులు బుస్స చంద్రయ్య, జివిఎస్ జిల్లా అధ్యక్షులు శ్రీనివాస్ మాట్లాడుతూ.. భారత రాజ్యాంగ నిర్మాత డాక్టర్ బి.ఆర్ అంబేద్కర్ ను పార్లమెంట్ సాక్షిగా అవమానపరిచిన కేంద్ర హోం మంత్రి అమిత్ షాను వెంటనే భర్తరఫ్ చేయాలని, పదవి నుంచి తొలగించాలని వారి డిమాండ్ చేశారు. అహంకార పూరితమైన మరియు తిరస్కార స్వరంతో అమిత్ షా మాట్లాడుతూ, భారతదేశ లౌకిక మరియుప్రగతిశీల రాజ్యాంగ రూపశిల్పి పైన చూపిన అగౌరవాన్ని, అపహాస్యం చేయడానికి ప్రయత్నించారని విమర్శించారు, ఈ అవమానకరమైన వ్యాఖ్యలకు బాధ్యత వహిస్తూ హోం మంత్రి శ్రీ అమిత్ షా రాజీనామా చేయాలని, మరియు దేశ ప్రజలకు క్షమాపణ చెప్పాలని డిమాండ్ చేశారు,
ఈ వ్యాఖ్యలు కేవలం డాక్టర్ బి.ఆర్. అంబేద్కర్ పైన చేసినవి మాత్రమే కాదని,సామాజిక న్యాయం కోసం పోరాటాన్ని కొనసాగిస్తున్న లక్షలాది మంది అణగారిన వ్యక్తులకు జరిగిన అవమానమన్నారు.
భారత రాజ్యాంగంపై బీజేపీ చేస్తున్న దాడికి వ్యతిరేకంగా భారత ప్రజల నుంచి పెరుగుతున్న ప్రతిఘటన నేపథ్యంలో ఈ వ్యాఖ్యలు చేశారన్నారు డాక్టర్ బి.ఆర్. అంబేద్కర్ హిందూత్వ శక్తులచే నిరంతరం దాడికి గురవుతున్న భారత రాజ్యాంగంలో పొందుపరచబడిన నిశ్చయాత్మక చర్యల నిబంధనల పరిరక్షణ కోసం పోరాడటానికి లక్షలాది మందిని ప్రేరేపించారని చెప్పారు. భారత ప్రజలపై మనువాద భావజాలాన్ని రుద్దేందుకు ఈ శక్తులు అవిశ్రాంతంగా పనిచేస్తున్నాయని అన్నారు.
అమిత్ షా మరియు బిజెపి పార్టీ వారి ఆలోచనలు కులతత్వంతో ఉన్నాయని, రాజ్యాంగం పట్ల నిజమైన గౌరవం లేదని ఇది మరోసారి రుజువయిందన్నారు. ఎన్నికల సమయంలోనే కాకుండా ఆర్‌ఎస్‌ఎస్/బిజెపి తరచుగా వ్యక్తం చేసే అసహనం,భారతదేశంలో సామాజిక న్యాయం,సమానత్వం కోసం డాక్టర్ అంబేద్కర్ పోరాడి నడిపిన ఉద్యమాలు మరియు ఆదర్శాల పట్ల వారి లోతైన ద్వేషాన్ని వెల్లడిస్తుందన్నారు. బిజెపి, ఆర్ఎస్ఎస్ బండి సంస్థలు లౌకిక భారతదేశంలో ఇలాంటి నాటకాలు చెల్లవని అన్నారు.ఇప్పటికైనా బిజెపి ప్రభుత్వం అమిత్ షా పై చర్యలు తీసుకోకపోతే ప్రజా సంఘాలు ఆధ్వర్యంలో దేశవ్యాప్తంగా ఆందోళన కార్యక్రమాలు నిర్వహిస్తామని ఆయన హెచ్చరించారు. ఈ కార్యక్రమంలో వ్యవసాయ కార్మిక సంఘం నాయకులు ఎచ్. సత్యయ్య, రఘురామ్,సీఎచ్ సత్యయ్య, శేఖర్,మొగులయ్య రాంచేందర్, రాజేందర్, రమేష్… తదితరులు పాల్గొన్నారు.

https://play.google.com/store/apps/details?id=com.trinethramnews.app

Trinethram news
Download App