జైహో 2వ జాతీయ సమ్మేళనం పోస్టర్లు ఆవిష్కరించిన ఎమ్మెల్సీ చంద్రశేఖర్ రెడ్డి

నెల్లూరు జిల్లా నెల్లూరు నగరంలోని శ్రీ కృష్ణ చైతన్య కళాశాల నందు జైహో 2వ జాతీయ సమ్మేళనం పోస్టర్ల ఆవిష్కరణ జరిగింది. తూర్పు రాయలసీమ పట్టబధ్రుల ఎమ్మెల్సీ శ్రీ పర్వతరెడ్డి చంద్రశేఖర్ రెడ్డి, పినాకిని సత్యాగ్రహ గాంధీ ఆశ్రమం కమిటీ కో – కన్వీనర్ నెల్లూరు రవీంద్రరెడ్డి, జైభారత్ జాతీయ కార్యదర్శి ఖదిఙ్ఞాసి యోధ కోవూరు లోక్ నాధ్ సంయుక్తంగా జైహో 2వ జాతీయ సమ్మేళనం పోస్టర్లు సోమవారం ఆవిష్కరణ చేశారు. ఈ సందర్భంగా ఎమ్మెల్సీ చంద్రశేఖర్ రెడ్డి మాట్లాడుతూ, జైభారత్ స్వచ్ఛంద సంస్థ దేశభక్తి కార్యక్రమాలు నిర్వహిస్తున్నదని, అందులో భాగంగా జైహో 2వ జాతీయ సమ్మేళనం కార్యక్రమం మన నెల్లూరు జిల్లాలోని పల్లిపాడు గాంధీ ఆశ్రమం నందు నిర్వహించడం చాలా ఆనందంగా వున్నదని సంతోషం వ్యక్తం చేశారు. అనంతరం జైభారత్ జాతీయ కార్యదర్శి లోక్ నాధ్ మాట్లాడుతూ, హిందూ – ముస్లిం ఐక్యత కోసం, 15 రాష్ట్రాల జైభారత్ ప్రతినిధులతో ఈ నెల 19వ తేదీన గాంధీ ఆశ్రమంలో జైభారత్ నిర్వహిస్తున్న జైహో 2వ జాతీయ సమ్మేళనం కార్యక్రమానికి యావత్తు జిల్లా ప్రజానీకం మతాలకు, కులాలకు అతీతంగా తరలి రావాలని కోరారు. ఈ కార్యక్రమంలో గాంధీ ఆశ్రమం కమిటీ సభ్యులు, ముస్లిం మైనార్టీ జిల్లా నాయకులు షేక్ అల్లాబక్షు, ఆశ్రమం కమిటీ సభ్యులు వి. రామిరెడ్డి, జై భారత్ జాతీయ కార్యవర్గ సభ్యులు ఖదిఙ్ఞాసి కార్తికేయ పోలవరపు, ఖదిఙ్ఞాసి యోధ విజయ్ కుమార్ ఇందుకూరి, జైభారత్ ఎస్సీ పోరాట వేదిక ఆంధ్రప్రదేశ్ రాష్ట్ర కార్యదర్శి ఖదిజ్ఞాసి యోధ నాగరాజు తలారి, జైభారత్ ఎస్సీ పోరాట వేదిక ఆంధ్రప్రదేశ్ రాష్ట్ర కార్యదర్శి ఖదిజ్ఞాసి యోధ శ్యామ్ సుందర్ కోవూరు, దళిత నాయకులు బొచ్చు సాంబశివ, దార్ల చంద్రశేఖర్, సంఘ సేవకులు కిషోర్ కుమార్ రెడ్డి తదితరులు పాల్గొన్నారు.